1925-ci ildə Qacar şahlığını devirib “vahid İran milləti” şüarı altında hakimiyyətə gələn Pəhləvi sülaləsinin basqısı ilə Güney Azərbaycan xalqının milli kimliyi danılıb, tarixi təhrif edilib, iqtisadiyyatı dağıdılıb, dili və mədəniyyəti yasaqlanıb. Fars şovinizminin ayrı-seçkilik siyasətinə qarşı mübarizəyə başlayan azərbaycanlılar 1945-ci ildə Seyid Cəfər Pişəvərinin başçılığı ilə Azərbaycan milli hökumətini qurmağa nail olublar. Milli hökumətin fəaliyyət göstərdiyi 1 il ərzində azərbaycanlıların bir çox demokratik fərdi və ictimai hüquqları ilə yanaşı ana dilində təhsil hüququ da təmin edilib.
1946-cı il yanvarın 28-də Güney Azərbaycan milli hökumətinin banisi millətlərin öz müqəddəratını təyinetmə hüququna əsaslanaraq hökumətin tanınması üçün BMT Baş Assambleyasına müraciət edib. Təəssüf ki, BMT hökumətin bu istəyini müzakirəyə çıxarmazdan öncə Pəhləvi rejimi Güney Azərbaycan ərazisinə qoşun yeridərək 10 minlərlə azərbaycanlını kütləvi şəkildə qırıb, böyük bir soyqırımı törədib, Azərbaycan milli hökumətini devirib və Güney Azərbaycan ərazisini işğal edib. Güney Azərbaycan türklərinə qarşı aparılan bu irqçi siyasəti 1979-cu ildə hakimiyyətə gələn islami rejim də davam etdirir.
Cənab Pan Gi Mun! Güney Azərbaycanın siyasi qüvvələri BMT Baş Məclisinin 16 dekabr 1966-cı il qətnaməsi ilə qəbul olunmuş “İqtisadi, sosial və mədəni hüquqlar haqqında” beynəlxalq pakta əsasən, BMT-nin nəzarəti ilə Güney Azərbaycanın tarixi ərazisində Azərbaycan türklərinin iştirakı ilə referendum keçirilməsini istəyir və bu məsələnin BMT-yə üvz dövlətlərin gündəliyinə çıxarılacağına ümid edirlər”.
Müraciəti bu təşkilatlar imzalayıb:
Azərbaycan Milli Demokratik Birliyi
Azərbaycan Milli Dirəniş Təşkilatı
Azərbaycan Sosial Demokrat Partiyası
Güney Azərbaycan Demokrat Partiyası
Güney Azərbaycan İstiqlal Partiyası
Güney Azərbaycan Liberal Demokrat Partiyası
Güney Azərbaycan Milli Azadliq Cəbhəsi
Güney Azərbaycan Milli Oyanış Hərəkatı
Güney Azərbaycan Qurtuluş Partiyası.
Hiç yorum yok:
Yorum Gönder