به اطلاع مسلمانان غیور سراسر جهان می‏ رسانم کافر یهودی تبار صهیونیست, سراصلانخالدی٫

Azərbaycan həqiqətlərinin Kanada da təbliği nəticəsində bu ölkənin işğalçı Ermənistana olan baxışlarında köklü dəyişiklik yaranmışdır. Kanadada yaşayan azərbaycanlı, bu ölkənin nüfuzlu “Nyu Demokrat” Partiyasının Yaxın Şərq və Qafqaz üzrə əlaqələndiricisi, politoloq Aslan Xalidi demişdir ki, təcavüzkar Ermənistanın siyasi maraqlarının iflasa uğramasına səbəb Kanadadakı türk və Azərbaycan diaspor nümayəndələrinin birgə təbliğatı olmuşdur. Hazırda Azərbaycan diasporu əsas diqqətini parlamentlə əlaqələrini genişləndirməyə yönəldib. Kanadanın “Nyu Demokrat” Partiyasını parlamentdə təmsil edən 38 deputat qondarma “erməni soyqırımı” iddialarının yuxarı palatanın müzakirəsinə çıxarılmasının əleyhinə çıxış etmişdir. Parlamentdə Azərbaycan şöbəsinin fəaliyyət göstərməsi və bu vasitə ilə ölkəmizin maraqlarının siyasi strukturda müzakirəyə çıxarılması qarşıda duran başlıca məqsədlərdəndir. Xocalı və 31 mart soyqırımlarını Kanadada gündəmə gətirmək üçün göstərilən səylər də artıq nəticəsini vermişdir. A.Xalidi qeyd etmişdir ki, 24 kilsə başçısının iştirakı ilə keçirilən Azərbaycan həqiqətləri adlı tədbir dini pərdə altında fəaliyyət göstərən erməni lobbisi üçün əsl zərbə olmuşdur.
Qarşıda duran digər vacib məsələlərdən biri də Kanadanın təhsil müəssisələrində Azərbaycanın ərazi bütövlüyü ilə bağlı mütəmadi informasiyaların verilməsidir. İrəli sürülən təklifi bu ölkədə fəaliyyət göstərən kollec rəhbərləri müsbət qarşılamışlar. Hazırda bu istiqamətdə danışıqlar davam edir.

Kanadadakı Azərbaycan Strateji Araşdırmalar Mərkəzi II qurultayı tarixi hadisə kimi qiymətləndirir

15.03.2006 17:00

---

«Dünya Azərbaycanlılarının ikinci qurultayı tarixi hadisədir və Azərbaycan disporunun inkişafı, birliyinin möhkəmlənməsi işinin sürətlənməsinə təkan verəcək». Bu fikirləri«Trend»ə açıqlamasında Kanadada fəaliyyət göstərən Azərbaycan Strateji Araşdırmalar Mərkəzinin sədri, politoloq Aslan Xalidi bildirib. Hazırda Kanadanın Vankuver şəhərində olan A.Xalidi qeyd edib ki, Xarici Ölkələrdə Yaşayan Azərbaycanlılaarla İş üzrə Dövlət Komitəsinin dəvəti əsasında Azərbaycan Strateji Araşdırmalar Mərkəzinin nümayəndələri Dünya Azərbaycanlılarının II qurultayda iştirak edəcəklər.

A.Xalidi qeyd edib ki, bu təşklat Azərbaycanın ümummilli və dövlət maraqlarını müdafiə və təbliğ etmək yönündə öz fəaliyyətini gücləndirmək, bütün imkanlarını səfərbər etmək, həyata keçirdiyi tədbirləri intensivləşdirmək fikrindədir. A.Xalidinin qurultay iştirakçılarına ünvanladığı təbrik məktubda isə dünya azərbaycanlılarının milli mənəvi birliyinə nail olunması, diaspora və lobbiçilik fəaliyətinin qurulması, təşkilatlanması yönündə Azərbaycanın eks-prezidenti Heyədr Əliyevin xidmətləri barədə danışılır, ümummilli liderin bu işdə tarixi rolu yüksək qiymətləndirilir.